Hamro Khabar

प्रचण्डले अभियोगपत्र फिर्ता लिएर निर्वाचनमा आए पार्टी एकता कायम हुन्छः ईश्वर पोखरेल

हाम्रोखबर सोमबार, माघ १२ २०७७

नेकपा केपी शर्मा ओली समूहका सचिवालय सदस्य तथा उपप्रधानमन्त्री ईश्वर पोखरेलले नेकपा अध्यक्ष पुष्प कमल दाहाल प्रचण्डसामु पार्टी एकता कायम राख्न दुई सर्त अघि सारेका छन् ।

काठमाडौं । नेकपा केपी शर्मा ओली समूहका सचिवालय सदस्य तथा उपप्रधानमन्त्री ईश्वर पोखरेलले नेकपा अध्यक्ष पुष्प कमल दाहाल प्रचण्डसामु पार्टी एकता कायम राख्न दुई सर्त अघि सारेका छन् ।
धुम्बाराहीमा आयोजित पत्रकार सम्मेलनमा पोखरेलले कात्तिक २८ मा प्रचण्डले दर्ता गराएको ‘आरोप पत्र’ फिर्ता लिन र चुनावमा सहभागी हुन सहमत भए पार्टी एकता हुनसक्ने बताए ।

उनले पार्टी कसैले फुटाउन सक्दैन भन्दै पार्टीमा भएको फेरबदलका विषयमा निर्वाचन आयोगले गरेको निर्णयमा ओली समूह सकारात्मक रहेको बताए ।

पोखरेलले अब एकता कायम गरेर जानका लागि कात्तिक २८ गतेको सचिवालय बैठकमा पुष्पकमल दाहाल प्रचण्डले राखेको अभियोगपत्र फिर्ता लिनुपर्ने बताए । त्यस्तै घोषित निर्वाचनमा सहभागी हुनुपर्ने पनि बताए ।