Hamro Khabar

न्यायाधीश सिन्हाले भने–‘प्रधानमन्त्रीका अभिव्यक्तिबाट तपाईं प्रभावित हुनुहुन्न भने हामी पनि हुँदैनौं’

हाम्रोखबर बुधबार, माघ ७ २०७७

आजको बहसमा प्रधानमन्त्री केपी शर्मा ओलीले बारम्बार सर्वोच्चले आफ्नो पक्षमा फैसला गर्ने दाबीले सर्वोच्चको कार्यक्षेत्रभित्र प्रवेश गरेको, जनतामा भ्रम पैदा गरेको र न्यायालयलाई प्रभावित गर्न खोजेको भन्दै इजलाशमा प्रश्न उठेको छ ।

काठमाडौं । प्रतिनिधिसभा विघटनविरुद्ध परेका रिट निवेदन चौथो दिन बुधबारको सुनुवाइ सकिएको छ । अर्को सुनुवाइ भोलि बिहीबारका लागि तोकिएको छ ।
आजको बहसमा प्रधानमन्त्री केपी शर्मा ओलीले बारम्बार सर्वोच्चले आफ्नो पक्षमा फैसला गर्ने दाबीले सर्वोच्चको कार्यक्षेत्रभित्र प्रवेश गरेको, जनतामा भ्रम पैदा गरेको र न्यायालयलाई प्रभावित गर्न खोजेको भन्दै इजलाशमा प्रश्न उठेको छ ।
आजको बहसमा रिट निवेदन हालेका अधिवक्ता कञ्चनकृष्ण न्यौपानेले अदालतप्रति भ्रम फैलाउने प्रधानमन्त्री ओलीका अभिव्यक्तिमा अंकुश लगाउन निर्देशन जानुपर्ने इजलाससमक्ष माग गरे । ‘अदालतले प्रतिनिधिसभा पुनःस्थापना गर्दैन है भनेर जनतामा आशंका पैदा गरिराख्नुभएको छ । संविधानको उलंघन हो । संविधान कार्यान्वयन गर्ने कार्यकारी प्रमुखले त्यसरी बोल्दा संविधान र अदालतको क्षेत्राधिकारमाथि हस्तक्षेप पैदा गरिराख्नुनभएको छ,’ न्यौपानेले भने ।

जवाफमा न्यायाधीश अनिल सिन्हाले भने, ‘यस्ता स्टेटमेन्टले तपाईं प्रभावित हुनुहुन्छ ? तपाईं हुनुहुन्न भने हामी पनि हुन्नौं ।’
प्रधानमन्त्रीले बारम्बार यस्ता अभिव्यक्ति दोहो¥याएर न्यायालयमाथि प्रभाव पार्न खोजेकाले त्यस्ता अभिव्यक्ति दिनबाट रोक्नुपर्ने न्यौपानेको माग थियो ।