काठमाडौं । नेपाल र भारतका परराष्ट्र मन्त्रीहरूले नेतृत्व गर्ने संयुक्त आयोगको छैठौं बैठक आज भारतको राजधानी नयाँ दिल्लीमा हुँदैछ। 
दुवै देशका परराष्ट्रमन्त्रीबीच बिहान ११ बजे भेटवार्ताको समय तय भएको छ । बैठक अघि ज्ञवाली र जयशंकरबीच आधा घन्टा औपचारिक वार्ता हुने कार्यसूची रहेको छ ।
बैठकमा व्यापार, पारवहन, ऊर्जा तथा जलस्रोत सीमा विवाद र वार्ताको वातावरण, पूर्वाधार विकासमा साझेदारी, दुई देशीय सम्पर्क सञ्जाल विस्तार, लगानीमैत्री सहकार्य, कृषिमा दुई पक्षीय सहयोग, पर्यटनमा साझेदारी तथा दुई देशबीचको सांस्कृतिक सहकार्यका विषयमा पनि बैठकमा दुई देशका प्रतिनिधिमण्डलले बृहत् छलफल गर्ने कार्यसूची नेपालले दुई दिनअघि नै सार्वजनिक  गरेको थियो । 
तर, भारतीय पक्षले बिहिबार बिहानमात्र कार्यसूची प्रकाशित गरेको छ । जसमा सीमा विवादको विषयमा भने केही उल्लेख गरेको छैन । भारतीय पक्षले बिहीबार सार्वजनिक गरेको बैठकका कार्यसूचीअनुसार २०७६ मा नेपालमा भएको पाँचौँ बैठकको सहमति र समझदारीमाथि आत्मविश्लेषण गर्दै प्रगति र असफलताको सूची छुट्टाइने उल्लेख छ । गत वर्षको लिपुलेक(लिम्पियाधुरा विवादपछि पहिलो पटक दुई देशका उच्च राजनीतिक अधिकारीबीच आज वार्ता हुन लागेको हो।
 बैठकमा नेपालले कोभिड १९ को खोप उपलब्ध गराउन पनि भारतीइ पक्षलाई अनुरोध गर्ने बताइएको छ ।