प्रतिलिपि अधिकार उल्लंघन गरेको आरोपमा बिन्दवासिनी म्युजिक प्रालिकी अध्यक्ष लिना शर्मा रेग्मी पक्राउ परेकी छन् ।
काठमाडौं । प्रतिलिपि अधिकार उल्लंघन गरेको आरोपमा बिन्दवासिनी म्युजिक प्रालिकी अध्यक्ष लिना शर्मा रेग्मी पक्राउ परेकी छन् ।
महानगरीय प्रहरी परिसर, काठमाडौंको टोलीले उनलाई सोमबार पक्राउ गरेको हो ।
गायक प्रमोद खरेललगायत कलाकारले आइतबार परिसरमा प्रतिलिपि अधिकार उल्लंघन गरेकोभन्दै उनीविरुद्ध जाहेरी दिएका थिए । सोही जाहेरिका आधारमा प्रकाउ गरिएको परिसरका प्रहरी नायब उपरीक्षक प्रमेश बिष्टले बताए ।
सोही जाहेरीको आधारमा प्रहरीले जिल्ला अदालत काठमाडौंबाट पक्राउ अनुमति लिएको थियो । उनलाई पक्राउ गरेर अनुसन्धान थालिने प्रहरीले जनाएको छ ।