लाहोर । बुधबार विहान पाकिस्तानको लाहोरस्थित सुफी मुलसलमानहरुको धार्मिक स्थलबाहिर भएको विस्फोटनको जिम्मा पाकिस्तानी तालिबानबाट फुटेर बनेको हिजबुल अहरर समूहले लिएको छ । उक्त समुहले आफुले सो विस्फोटन गराइको दावि गरेको हो ।
लाहोर । बुधबार विहान पाकिस्तानको लाहोरस्थित सुफी मुलसलमानहरुको धार्मिक स्थलबाहिर भएको विस्फोटनको जिम्मा पाकिस्तानी तालिबानबाट फुटेर बनेको हिजबुल अहरर समूहले लिएको छ । उक्त समुहले आफुले सो विस्फोटन गराइको दावि गरेको हो ।
पाकिस्तानको लाहोरस्थित सूफी मुसलमानहरूको एउटा महत्त्वपूर्ण धार्मिक स्थलबाहिर बुधवार बिहान भएको विस्फोटनमा कम्तीमा नौ जनाको मृत्यु भएको र दुई दर्जनभन्दा बढी व्यक्तिहरू घाइते भएको अधिकारीहरूले बताएका छन् ।
पाकिस्तानको पन्जाब प्रान्तका प्रहरीका अनुसार प्रसिद्ध दाता सुफी दरगाहनजिकै प्रहरीको एउटा गाडीलाई तारो बनाएर सो आत्मघाती आक्रमण गरिएको थियो । मृत्यु हुनेमा पाँच सुरक्षाकर्मी पनि भएको बताइएको छ । इस्लाम धर्मावलम्बीहरूको पवित्र रमजान महिना सुरु भएपछि यो साङ्घातिक आक्रमण भएको हो।
पाकिस्तानका प्रधानमन्त्री इमरान खानले आक्रमणको निन्दा गरेका छन् । पाकिस्तानको दोस्रो ठूलो सहर लाहोरमा अवस्थित दाता दरबार दरगाह दक्षिण एशियामा भएका पुराना दरगाहमध्ये एउटा हो । त्यहाँ शिया र सुन्नी दुवै सम्प्रदायका मानिस तथा गैरमुस्लिमहरू पनि दर्शन गर्न जान्छन् । यो दरगाहको निर्माण एघारौँ शताब्दीमा भएको हो ।