काठमाडौं । आफ्नो बच्चा अस्पतालबाट घर लैजान नमानेको भन्दै पुर्वसभासद् गायत्री साह र उनका श्रीमान राजेश महतो पक्राउ परेका छन्। साह दम्पत्तीलाई प्रहरीलेो ललितपुरको मेडिसिटी अस्पतालबाट पक्राउ गरेको हो। ‘फौजदारी अभियोगमा उहाँहरुलाई पक्राउ गरिएको हो’, महानगरीय प्रहरी परिसर जावलाखेलका डीएसपी नारायण चिमोरियाले भने, ‘ललिपुरको १८ बाट पक्राउ गरेका छौँ ।’
वैशाख १३ गते मेडिसिटी अस्पतालले दिएको उजुरीको आधारमा उनीहरुलाई पक्राउ गरिएको हो । पुलिसले पक्राउ गरेपछि जवरजस्ती गरेको उनीहरुलाई अस्पताल परिसरबाटै उनीहरुलाई प्रहरीले घिसार्दै पक्राउ गरेको भिडियो सामाजिक सञ्जालमा सार्वजनिक भएको छ । 

प्रहरीले गायत्रीलाई सातदोबाटोमा राखेको छ भने राजेशलाई जावलाखेलमा राखिएको छ । 

मेडिसिटी अस्पतालले दिएको उजुरीमा आफ्नो सन्तान अस्पतालमै छोड्नु गैरकानुनी भएको उल्लेख गरिएको छ। प्रहरीले उनीहरुमाथि मुलुकी फौजदारी अपराध संहिता २०७४ को दफा १८१ को उपदफा १ अनुसार कारबाही हुने बताएको छ। मुलुकी अपराध (संहिता) ऐन, २०७४ को दफा १८४ (१) अनुसार उनीविरुद्ध मुद्दा चल्ने प्रहरीले बताएको छ। १८४ मा ‘आफ्नो संरक्षकत्वमा रहेको व्यक्तिलाई फाल्न वा परित्याग गर्न नहुने’ उल्लेख छ। यो दफाको उपदफा १ मा ‘कुनै नवजात शिशु, बालबालिका, अशक्त रोगी वा वृद्ध व्यक्तिलाई आफूले हेरचाह वा स्याहार सम्भार गर्ने कर्तव्य भएको व्यक्तिले निजको जिउ, ज्यानमा खतरा पुग्न सक्ने गरी फाल्न, परित्याग गर्न वा वेवास्ता गरी छोड्न हुँदैन’ भन्ने व्यवस्था उल्लेख छ। उपदफा ९१० बमोजिमको कसूर गर्ने वा गराउने व्यक्तिलाई तीन वर्षसम्म कैद र तीस हजार रुपैयाँसम्म जरिबाना हुने संहितामा व्यवस्था छ ।
सांसद गायत्रीले चिकित्कस डा. निरासिंह श्रेष्ठको नीजि क्लिनिकमा जचाउँदै आएकि थिइन् । डाक्टरले बेलैमा सचेत नगराएको भन्दै उनले डाउनसिन्ड्रोम भएको बच्चा जन्मिएको आरोप लगाएकि छिन् । अघिल्लो बच्चामा पनि यस्तै सिन्ड्रोम देखिएपछि गर्भपात गराइएको शाह दम्पतिको दाबी छ । तर यसपटक डाक्टरको लापरबाहीमा यस्तो बच्चा जन्मिएको भन्दै अस्पतालले हेरविचार गर्नुपर्ने शाह दम्पत्तिको दाबी छ ।