Hamro Khabar

फेरी घट्यो सुनको मूल्य, यस्तो छ आजको बजार भाउ

हाम्रो खबर सोमबार, मङ्सिर १५ २०७७

यो साताको सुरुदेखि नै नेपालमा सुनचाँदीको मूल्य घट्दो अवस्थामा छ । आइतबार ६ सय रुपैयाँले ओरालो लागेको छापावाल सुन सोमबार पुन: ७ सय रुपैयाँले ओरालो लागेको छ ।

काठमाडौं । यो साताको सुरुदेखि नै नेपालमा सुनचाँदीको मूल्य घट्दो अवस्थामा छ । आइतबार ६ सय रुपैयाँले ओरालो लागेको छापावाल सुन सोमबार पुन: ७ सय रुपैयाँले ओरालो लागेको छ ।

सोमबार छापावाल सुन प्रतितोला ९० हजार रुपैयाँमा कारोबार भइरहेको छ । आइतबार ९० हजार ७ सय रुपैयाँ प्रतितोलामा कारोबार भएको थियो ।

त्यस्तै तेजाबी सुन पनि आइतबारको तुलनामा ७ सय रुपैयाँले घटेर ८९ हजार ५ सय ५० रुपैयाँ प्रतितोलामा कारोबार भइरहेको नेपाल सुनचाँदी व्यवसायी महासंघले जनाएको छ ।

सोमबार चाँदीको मूल्य पनि घटेको छ । आइतवारको तुलनामा सोमबार चाँदी ३० रुपैयाँले घटेर प्रतितोला ११ सय २० रुपैयाँमा कारोबार भइरहेको महासंघले जनाएको छ ।