अव चलचित्र क्षेत्र संग सम्वन्धित संघसंस्था स्वयं अग्रसर रहनु पर्छ आफ्नो अस्तित्वको लागी ।नत्र दवाव र आन्दोलनको भाषा मात्र बुझ्ने सरकार हाम्रो क्षेत्रको अस्तित्व स्विकार्न तयार हुदैन ।होईन भने जसरी चलचित्र क्षेत्र मात्र लामो समयदेखि बन्द छ त्यसरी नै चलचित्र क्षेत्र संग सम्वन्धित संघसंस्था बन्द गरौ ।
प्रदीप उदय
बर्तमान सरकारले नेपाली चलचित्र क्षेत्रको अस्तित्व स्विकारेनन् ।
शुरू देखि नै भन्दै आएको छु । यो सरकार ‘दवाव’ र ‘आन्दोलन’को भाषा मात्र बुझ्छ । अन्य सबै व्यवसायीको संगठनहरूले आन्दोलनको अल्टिमेटम दिए सरकारले तत्काल खोल्ने निर्णय गरे । तर हाम्रो क्षेत्र भलादमी...
एउटा बिज्ञप्ती मात्र पनि निकालेर अल्टिमेटम दिएको भए शायद यो सरकारले सुन्थ्यो होला । तर हामी भलादमी...
अन्य मुलुकवाट भिजिट भिषामा बिदेशी आउन पाउने र सम्पुर्ण अन्तर्राष्ट्रीय उडान खोल्ने समेत निर्णय भैसक्यो तर संचार मन्त्रालयबाट खोल्न सिफारिस चलचित्र क्षेत्रको बारे सरकार मौन छ र पनि हामी चुप छौ । तर हामी भलादमी...
सरकार भन्दिनु पर्यो चलचित्र क्षेत्रको यो मुलुकमा आवश्यकता छैन । बन्द गर्दिउ । चलचित्र संग सम्वन्धित सबै ईजाजत पत्र खारेज गर्दिउ र भन्दिउ चलचित्र क्षेत्र संग सम्वन्धित कोही पनि हाम्रो नागरिक होईन र यिनीहरूको संरक्षण गर्नु हाम्रो दायित्व होइन । हामी चुपचाप अर्को बाटो लाग्छौ । तर हामी भलादमी...
चलचित्रकर्मी मित्रहरू कति समय भलादमी बन्ने ?
अव त जागौ । अव त आफ्नो अस्तित्वको लागी लडौ । बुझौ चलचित्र बिकास बोर्ड सरकारी निकाय हो ।बोर्डले गम्भिरतापुर्वक चलचित्र क्षेत्र खोल्ने पक्षमा लागे पनि सरकारले महत्व नदिन सक्छ । अव चलचित्र क्षेत्र संग सम्वन्धित संघसंस्था स्वयं अग्रसर रहनु पर्छ आफ्नो अस्तित्वको लागी ।नत्र दवाव र आन्दोलनको भाषा मात्र बुझ्ने सरकार हाम्रो क्षेत्रको अस्तित्व स्विकार्न तयार हुदैन ।होईन भने जसरी चलचित्र क्षेत्र मात्र लामो समयदेखि बन्द छ त्यसरी नै चलचित्र क्षेत्र संग सम्वन्धित संघसंस्था बन्द गरौ ।