Hamro Khabar

कोरोनाबाट विश्वभर मृत्यु हुनेको संख्या ११ लाख नाघ्यो

हाम्रो खबर शुक्रबार, आश्वीन ३० २०७७

शुक्रबार बिहान ७ बजेसम्मको वर्ल्डोमिटरको तथ्यांक अनुसार, संक्रमणबाट ज्यान गुमाउनेको संख्या ११ लाख २ हजार ४१८ पुगेको छ ।

काठमाडौं । कोरोनाभाइरस संक्रमणबाट विश्वभर मृत्यु हुनेको संख्या ११ नाघेकव छ ।

संक्रमणबाट हालसम्म सबैभन्दा बढी अमेरिकामा २ लाख २२ हजार ७१२ जनाको मृत्यु भएको छ । त्यसपछि ब्राजिलमा १ लाख ५२ हजार ५१३ जना र भारतमा १ लाख १२ हजार १४४ जनाले ज्यान गुमाएका छन् ।

यस्तै, मेक्सिकोमा ८४ हजार ८९८ जनाको संक्रमणबाट मृत्यु भएको छ।

पछिल्लो २४ घण्टामा बिहीबार मात्रै विश्वभर कोरोना संक्रमणबाट ६ हजार १०० जनाको ज्यान गएको छ । जसमध्ये सबैभन्दा धेरै अमेरिकामा ८६९ जना, भारतमा ८३३ र ब्राजिलमा ७३४ जनाको मृत्यु भएको छ ।

हालसम्म विश्वभर कोरोना संक्रमितको कुल संख्या ३ करोड ९१ लाख ५१ हजार १४४ पुगेको छ। जसमध्ये २ करोड ९३ लाख ६६ हजार ६६४ जना संक्रमणमुक्त भइसकेका छन् ।

सक्रिय संक्रमितको संख्या ८६ लाख ८२ हजार ६२ छ । उनीहरुमध्ये ७० हजार ८५६ जनाको स्वास्थय अवस्था जटिल छ ।