हुम्ला । तीन सातादेखि हुम्लाको ताँजाकोटमा फैलिएको अज्ञात रोग विस्तारै नियन्त्रणमा आउन थालेको छ । १० जनाको ज्यान जानेगरी हुम्लाको ताँजाकोटमा फैलिएको मौसमी रुघाखोकी ,आइतबार पुगेका चिकित्सकहरुले शिविर संचालन गरी बिरामीहरुको उपचार गर्न थालेपछि विस्तारै नियन्त्रणमा आउन थालेको हो ।
हुम्ला । तीन सातादेखि हुम्लाको ताँजाकोटमा फैलिएको अज्ञात रोग विस्तारै नियन्त्रणमा आउन थालेको छ । १० जनाको ज्यान जानेगरी हुम्लाको ताँजाकोटमा फैलिएको मौसमी रुघाखोकी ,आइतबार पुगेका चिकित्सकहरुले शिविर संचालन गरी बिरामीहरुको उपचार गर्न थालेपछि विस्तारै नियन्त्रणमा आउन थालेको हो ।
शनिबारसम्म नौ जनाको मृत्यु भएकोमा पुनः आइतबार राती थप एक जनाको मृत्यु भएको थियो । उक्त रोगबाट कम्तिमा ५ सय जना प्रभावित भएका छन् । पहिल्यैदेखि शिरियस भएका बिरामीको ज्यान गए पनि अब गम्भीर प्रकृतिका बिरामीहरु नभएको उपचारमा संलग्न चिकित्सकले जनाएका छन् ।
सोमबार बिहान आठ बजेदेखि संचालन गरिएको शिविरमा आउने अधिकांशमा सामान्य रुघाखोकी, ज्वरो र झाडापखालाको संक्रण देखिएको चिकित्सकले जनाएको छ । एक्कासी पुरै गाउँपालिकामै संक्रमण फैलिएपछि चिकित्सकहरुले स्वाइन फ्लुको शंकासमेत गरेका छन् । तर परिक्षण विना केहि पनि भन्न नसकिने उनिहरुको बताएका छन् ।
भौगोलिक दुरीका हिसावले एकै ठाउँमा बोलाएर उपचार गर्न नसक्ने भएपछि चिकित्सकको तीन टोली बनाएर उपचार सुरु गरिएको छ। प्रदेश अस्पताल सुर्खेत र मुगुबाट गएका चिकित्सकसहित स्वाथ्यकर्मीहरुले तीन समूह विभाजन गरी छुट्टाछुट्टै ठाउँमा शिविर संचालन गरी बिरामीको जाँच गरिरहेको छ ।