काठमाडौं । नेपाल कम्युनिष्ट पार्टी, नेकपाका उपाध्यक्ष वामदेव गौतमलाई राष्ट्रियसभामा गरिएको नियुक्तिविरूद्ध परेको रिटमाथिको सुनुवाइ शुक्रबारलाई सरेको छ। बुधबार बहस हुँदाहुँदै समय सकिएपछि सुनवाइ हेर्दाहेर्दैमा शुक्रबारलाई सरेको हो ।
काठमाडौं । नेपाल कम्युनिष्ट पार्टी, नेकपाका उपाध्यक्ष वामदेव गौतमलाई राष्ट्रियसभामा गरिएको नियुक्तिविरूद्ध परेको रिटमाथिको सुनुवाइ शुक्रबारलाई सरेको छ। बुधबार बहस हुँदाहुँदै समय सकिएपछि सुनवाइ हेर्दाहेर्दैमा शुक्रबारलाई सरेको हो ।
सर्वोच्च अदालतमा प्रधानन्यायाधीशको अध्यक्षता रहने संवैधानिक इजलास बुधबार र शुक्रबार गरी हप्ताको दुई दिन बस्छ। वरिष्ठ अधिवक्ता दिनेश त्रिपाठीले वामदेव गौतमलाई राष्ट्रियसभामा लैजाने निर्णय बदर गर्न, उनलाई मन्त्री बनाउनबाट रोक्न र राष्ट्रिय सभामा गरिने नियुक्तिको मापदण्ड बनाउने आदेश दिन माग गर्दै रिट दिएका थिए।
यसअघि न्यायाधीश आनन्दमोहन भट्टराईको इजलासले संवैधानिक इजलासमा दुवै पक्षको बहस सुनेर निर्णय गर्न र त्यतिन्जेल यो विषयवस्तु यथास्थितिमा राखी वामदेवलाई थप जिम्मेवारी नदिन आदेश दिएको हो।
बुधबार संवैधानिक इजलासमा वामदेवको नियुक्तिबारे रिट निवेदकका तर्फबाट वरिष्ठ अधिवक्तासहित केही वकिल र सरकारका तर्फबाट महान्यायाधीवक्ता अग्नी खरेल र सह महान्यायाधिवक्ता श्याम भट्टराईले बहस गरेका थिए।