Hamro Khabar

सुपर ओभरमा मुम्बईमाथि बेंगलोरको जित

हाम्रो खबर मङ्गलबार, आश्वीन १३ २०७७

रोयल च्यालेन्जर्स बैंगलोरले इन्डियन प्रिमियर लिग १३ मा सुपर ओभरमा मुम्बई इन्डियन्सलाई पराजित गरेको छ । योसँगै बैंग्लोरले दोस्रो जित हासिल गरेको छ ।

काठमाडौं । रोयल च्यालेन्जर्स बैंगलोरले इन्डियन प्रिमियर लिग १३ मा सुपर ओभरमा मुम्बई इन्डियन्सलाई पराजित गरेको छ । योसँगै बैंग्लोरले दोस्रो जित हासिल गरेको छ ।

दुवै टिमले निर्धारित ओभरमा बराबरीको स्कोर बनाएपछि खेल सुपर ओभरमा गएको थियो । सुपर ओभरमा बेंगलोरले मुम्बईलाई १० विकेटले पराजित गर्दै दोस्रो जित हात पारेको हो ।

टस जितेर पहिला ब्याटिंग गरेको बेंगलोरले एबीडी भिलर्स र शिवम दुबेको तुफानी ब्याटिंगमा २०१ रन बनाएको थियो । जवाफ ब्याटिंग गरेको मुम्बईका लागि अन्तिम ओभरमा १९ रन आवश्यक थियो। तर, १८ रनमात्र बनाउन सक्यो ।

मुम्बईका लागि इशासन किशनले ५८ बलमा ९९ रन बनाएर टिमलाई जित नजिक पुर्याउँदा आउट हुन पुगे । त्यस्तै किरन पोलार्डले २४ बलमा ६० रन बनाए पनि मुम्बईलाई जित दिलाउन सकेनन् ।

मुम्बईलाई जितका लागि अन्तिम बलमा ५ रन आवश्यक हुँदा इसरु उदानाको बलमा पोलार्डले चौका प्रहार गर्दै टाई गरेका थिए ।

त्यसपछि सुपर ओभरमा मुम्बईले ६ रनमात्र बनाउन सक्यो। नवद्वी सैनीले सुपर ओभरमा रन बनाउन नदिएपछि ७ रनको लक्ष्य पछ्याएको बेंगलोरका लागि कप्तान विराट कोहली र एबीडी भिलर्सले अन्तिम बलमा विजयी रन बनाए ।