Hamro Khabar

आजदेखि साझा लामो दूरीमा पनि गुड्ने, यस्तो छ रुट

हाम्रो खबर बुधबार, आश्वीन ७ २०७७

साझा यातायातले आज (बुधबार) देखि लामो दूरीका बस चलाउने भएको छ । आजदेखि बस सेवा शुरु हुने साझा यातायातका निमित्त प्रमुख कार्यकारी अधिकृत महेन्द्रराज पाण्डेले जानकारी दिए ।

काठमाडौं । साझा यातायातले आज (बुधबार) देखि लामो दूरीका बस चलाउने भएको छ । आजदेखि बस सेवा शुरु हुने साझा यातायातका निमित्त प्रमुख कार्यकारी अधिकृत महेन्द्रराज पाण्डेले जानकारी दिए ।

उनका अनुसार काठमाडौं–पोखरा–कुस्मा–बाग्लुङ र बुटवल–भैरहवा–सुनौली रुटमा बस चल्नेछ । यस्तै सरकारले तोकेको भाडादर र स्वास्थ्य मापदण्ड पालना गर्दै बेलुकी ७ बजे नयाँ बसपार्कबाट र साढे ७ बजे कलंकीबाट बस छुट्ने छ ।

यसअघि साझाको लामो दूरीको बस सेवा कोरोना भाइरस सङ्क्रमणको जोखिम कम गर्न सरकारले यातायात सञ्चालनमा रोक लगाएसँगै रोकिएको थियो ।