प्रधानमन्त्री केपी शर्मा ओलीले संविधान दिवस तथा राष्ट्रिय दिवस २०७७ का अवसरमा देशवासीका नाममा आज विशेष सम्बोधन गर्ने भएका छन्।
काठमाडौं । प्रधानमन्त्री केपी शर्मा ओलीले संविधान दिवस तथा राष्ट्रिय दिवस २०७७ का अवसरमा देशवासीका नाममा आज विशेष सम्बोधन गर्ने भएका छन्।
प्रधानमन्त्री ओलीले बिहान ९ बजे सैनिक मञ्च टुँडिखेलमा हुने विशेष कार्यक्रममा सम्बोधन गर्ने कार्यक्रम तय भएको उनका प्रेस सल्लाहकार सूर्य थापाले जानकारी दिए।
सम्बोधनमार्फत उनले स्वदेश र विदेशमा रहेका नेपालीलाई शुभकामना दिने छन्। विगतमा अघिल्लो दिन प्रधानमन्त्रीले लिखित शुभकामना दिने गर्थे। यसपटक भने ओलीले सम्बोधनमार्फत शुभकामना दिने भएका छन्।