रुसले विकास गरेको कोरोना भाइरसविरुद्धको खोप भारतसहित पाँच देशमा परीक्षण हुने भएको छ ।
एजेन्सी । रुसले विकास गरेको कोरोना भाइरसविरुद्धको खोप भारतसहित पाँच देशमा परीक्षण हुने भएको छ ।
खोपको ‘स्पुनिक-५’ नाम दिइएको छ । पाँच देशमा यही महिनामा तेस्रो परीक्षण हुने रुसी अधिकारीहरूले जनाएका छन् ।
रुसी लगानी कोषका प्रमुख कार्यकारी अधिकृत किरिल दिमित्रिभले भारत, साउदी अरब, यूएई, फिलिपिन्स र ब्राजिलमा खोपको परीक्षण हुन लागेको जानकारी दिए ।
यो खोपको पहिलो र दोस्रो चरणको परीक्षण रुसमै भएको थियो । अन्य पाँच मुलुकमा भने अब तेस्रो चरणको परीक्षण हुन लागेको हो ।
खोपको परीक्षणको नतिजा अक्टोबरदेखि नोभेम्बरसम्ममा आइसक्ने बताइएको छ ।