Hamro Khabar

संक्रमितको ग्राफ बढ्दो, आज ५९४ जना नयाँ संक्रमित थपिए

हाम्रोखबर शुक्रबार, श्रावण ३० २०७७

काठमाडौं । नेपालमा पछिल्लो २४ घण्टामा ५९४ जना कोरोना संक्रमित थपिएका छन । देशका विभिन्न अस्पतालका प्रयोगशाला र प्रादेशिक प्रयोगशाला गरिएको पछिल्लो परीक्षणमा उनीहरुमा कोरोना संक्रमणको पुष्टि भएको हो । योसँगै कुल संक्रमितको संख्या २५,५९४ पुगेको स्वास्थ्य तथा जनसंख्या मन्त्रालयले शुक्रबार जनाएको छ ।
मन्त्रालयका अनुसार, पछिल्लो २४ घण्टामा २४० जना निको भएर फर्किएका छन् । हालसम्म निको भएर फर्कनेहरुको संख्या १७,०७७ छ । यसैगरी देशका बिभिन्न स्थानमा रहेका क्वारेन्टीनमा १४,६३८ जना रहेका छन ।