धनगढी । सरकारद्वारा प्रतिबन्धित नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका एक जना केन्द्रीय सदस्य र सेती महाकाली ब्युरो इञ्चार्जलाई प्रहरीले पक्राउ गरेको छ।
धनगढी । सरकारद्वारा प्रतिबन्धित नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका एक जना केन्द्रीय सदस्य र सेती महाकाली ब्युरो इञ्चार्जलाई प्रहरीले पक्राउ गरेको छ। बुधबार बिहान प्रहरी टोलीले कैलालीको धनगढी उप–महानगरपालिका वडा नम्बर ७ वेलीबाट उनीहरूलाई नियन्त्रणमा लिएको हो।
कैलालीका प्रहरी नायब उपरीक्षक प्रतीक विष्टका अनुसार, पक्राउ पर्नेमा विप्लवका केन्द्रीय सदस्य दाङ तुलसीपुर उपमहानगरपालिका वडा नम्बर ९ बस्ने निर्वाण भन्ने ओम प्रकाश पुन र अखिल नेपाल महिला संगठन (क्रान्तिकारी) सेती महाकाली ब्युरो इञ्चार्ज डडेल्धुरा पर्शुराम नगरपालिका वडा न ७ घर भएकी २७ वर्षीया पूर्णिमा भन्ने गौरा धामी रहेका छन ।
मोटर साइकलमा सवार उनीहरूलाई चेक गर्दा पुनले बोकेको झोलाभित्र लुगामा लुकाई राखेको अवस्थामा एक थान कटुवा पेस्तोल एक राउण्ड गोली समेत बरामद गरिएको प्रहरीले जनाएको छ ।