मुम्बई । बलिउड अभिनेता अमिताभ बच्चन र छोरा अभिषेक बच्चन दुवैजना कोरोना भाइरसबाट संक्रमीत भएका छन । उनीहरुले शनिबार राती आधिकारिक ट्वीटर ह्याण्डिलबाट ट्वीट गर्दै आफुहरुलाई कोरोना सङ्क्रमण भएको जानकारी दिएका हुन ।
मुम्बई । बलिउड अभिनेता अमिताभ बच्चन र छोरा अभिषेक बच्चन दुवैजना कोरोना भाइरसबाट संक्रमीत भएका छन । उनीहरुले शनिबार राती आधिकारिक ट्वीटर ह्याण्डिलबाट ट्वीट गर्दै आफुहरुलाई कोरोना सङ्क्रमण भएको जानकारी दिएका हुन । उनीहरु दुवैलाई मुम्बईको नानावटी हस्पिटलमा भर्ना गरिएको छ । साथै अमिताभ बच्चनको परिवारका अन्य सबै सदस्य र स्टाफहरुको कोरोना परीक्षणका लागि स्याम्पल दिइएको र रिपोर्टको पर्खाइमा रहेको ट्वीटरमा बताइएको छ । अमिताभ बच्चनको कोरोना टेस्ट पोजिटिभ आएपछि उनका अन्य परीक्षणहरू पनि भइरहेको छ ।
उनले आफुसङ्ग पछिल्लो १० दिनमा सम्पर्कमा आउने सबै जनालाई कोरोना परीक्षण गर्न पनि अनुरोध गरेका छन । उनले ट्वीटरमा भनेका छन्, "मेरो कोभिड-१९ परीक्षण पोजेटिभ आएको छ। म अस्पताल भर्ना भएको छु। परिवारका बाँकी सदस्यको र स्टाफहरूको पनि कोरोना परीक्षण भएको छ। उनीहरूको नतिजा आउन बाँकी छ। पछिल्ला १० दिनमा जो मेरो सम्पर्कमा आएको हुनुहुन्छ, उहाँहरूले आफ्नो कोरोना भाइरस परीक्षण गराउन अनुरोध गर्दछु।" अभिषेक बच्चनले पनि आफू र बुवा अमिताभ बच्चनलाई कोरोना संक्रमण भएको जानकारी दिएका छ्न । उनले ट्वीट गर्दै भनेका छन्, "मेरा बुवा र मलाई कोरोना संक्रमण भएको छ। हामी दुवैलाई कोरोनाको सामान्य लक्षणहरू देखिएकोले हामीलाई अस्पतालमा भर्ना गरिएको छ। हामीले सबै आवश्यक आधिकारिक सम्बन्धित निकायहरूलाई सूचित गरिसकेका छौं र हाम्रो परिवार र स्टाफ सबैको परीक्षण भइरहेको छ। म सबैलाई शान्त रहन र नडराउन अनुरोध गर्दछु। धन्यवाद ! बलिउडका धेरै कलाकार र प्रशंसकहरूले उनीहरुको शीघ्र स्वास्थ्य लाभ कामना गरिरहेका छन्।