Hamro Khabar

बाह्रबिसे र भोटेकोशीमा उद्धार तथा राहतको व्यवस्था गर्न कमल थापाको माग

हाम्रोखबर बिहीबार, आषाढ २५ २०७७

आज बिहान आएको बाढी, पहिरोका कारण बाह्रबिसे क्षेत्रमा करिब एक दर्जन घर बगाएको छ भने दुई दर्जन मानिस बेपत्ता भएका छन् ।

काठमाडौं । राप्रपा अध्यक्ष कमल थापाले सिन्धुपाल्चोकको बााह्रबिसे नगरपालिका र भोटेकोशी गाउँपालिकामा बाढी पहिरोले ठूलो क्षति पुर्याएको उल्लेख गर्दै उक्त क्षेत्रमा तत्काल उद्धार र राहतको व्यवस्था गर्नका लागि सरकारसँग माग गरेका छन् । यसैगरी उनले पार्टीका कार्यकर्तालाई पिडित जनताको सेवामा जुट्न अनुरोध समेत गरेका छन् । अध्यक्ष थापाले बिहिबार सामाजिक सञ्जाल ट्वीटरमार्फत यस्तो माग र अनुरोध गरेका हुन् । आज बिहान आएको बाढी, पहिरोका कारण बाह्रबिसे क्षेत्रमा करिब एक दर्जन घर बगाएको छ भने दुई दर्जन मानिस बेपत्ता भएका छन् ।