Hamro Khabar

इरानमा क्लिनिकमा ग्यास लिक भएर बिष्फोट हुँदा १९ जनाको मृत्यु

बुधबार, आषाढ १७ २०७७

इरानको राजधानी तेहरानमा भएको शक्तिशाली बम बिस्फोट हुँदा १९ जनाको मृत्यु भएको छ ।

एजेन्सी । इरानको राजधानी तेहरानमा भएको शक्तिशाली बम बिस्फोट हुँदा १९ जनाको मृत्यु भएको छ ।

राजधानी तेहरानमा रहेको सिना अतहर क्लिनिकमा ग्यास लिक हुँदा विष्फोट हुन पुगेको थियो । विष्फोटमा परी १५ पुरुष र ४ महिलाको मृत्यु भएको छ ।

ग्यास लिक भएर भएको बिस्फोटको समयमा अधिकांश बिरामीहरु शल्यक्रिया गरिरहेको बुझिएको छ । बिस्फोटका क्रममा बिरामी र कुरुवाबीच भागदौड मच्चिएको थियो । दुइतले सो क्लिनिकमा दोश्रो तल्लामा बिस्फोट भएको हो ।

इरानी टेलिभिजन च्यानलले विष्फोटपछि आकाशमा देखिएको धुवाँको मुस्लो प्रसारण गरेका थिए ।

दमकलहरुले आगो निभाउने प्रयास गरेको भिडियो मिडियाले प्रसारण गरेका थिए । केही समयअघि पनि ग्यास लिक हुँदा एक सैनिक इलाकामा विष्फोट भएको थियो ।