Hamro Khabar

सुनको मूल्य तोलामा नौ सय रुपैयाँले वृद्धि,८८ हजार ६ सयमा कारोबार हुँदै

बुधबार, जेष्ठ २८ २०७७

सुनको मुल्यमा प्रति तोला नौ सय रुपैयाले वृद्धि भएको छ ।

काठमाण्डौँ । सुनको मुल्यमा प्रति तोला नौ सय रुपैयाले वृद्धि भएको छ । छापावाला सुनको मूल्य तोलामा नौ सय रुपैयाँले बढेर ८८ हजार ६ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

यस्तै तेजाबी सुनको मूल्य तोलामा ८ सय ९५ ले वृद्धि भएर ८८ हजार एक सय ६० रुपैयाँमा कारोबार भइरहेको महासंघले जनाएको छ । मंगलबार तेजाबी सुनको मूल्य तोलाको ८७ हजार दुई सय ६५ रुपैयाँमा कारोबार भएको थियो ।

चाँदीको मूल्य तोलामा पाँच रुपैयाँले बढेर बुधबार नौ सय ३५ रुपैयाँमा कारोबार भइरहेको छ ।