Hamro Khabar

गण्डकी प्रदेशमा थप ३८ जनामा कोरोना पुष्टि

आइतबार, जेष्ठ २५ २०७७

नेपालमा थप ३८ जनामा कोरोना पुष्टि भएको छ । आइतबार बिहान गण्डकी प्रदेशका विभिन्न चार जिल्लामा ३८ जनालाई कोरोना पुष्टि भएको स्वास्थ्य निर्देशनालय रामघाट पोखराले जनाएको छ ।

काठमाडौं । नेपालमा थप ३८ जनामा कोरोना पुष्टि भएको छ । आइतबार बिहान गण्डकी प्रदेशका विभिन्न चार जिल्लामा ३८ जनालाई कोरोना पुष्टि भएको स्वास्थ्य निर्देशनालय रामघाट पोखराले जनाएको छ ।

संक्रमितहरु सबैभन्दा धेरै स्याङ्जामा १४, बागलुङमा १०, गोरखामा पहिलो पटक १० जनामा कोरोना देखिएको छ । यसअघि जुम्लामा कार्यरत गोरखाका एक जनामा कोरोना लागेको पुष्टि भएको थियो । त्यस्तै पूर्वी नवलपरासीमा ४ जनामा कोरोना संक्रमण पुष्टि भएको हो । यससँगै गण्डकी प्रदेशमा कोरोना संक्रमित व्यक्तिहरुको संख्या ११३ पुगेको स्वास्थ्य निर्देशनालय रामघाट पोखराले जनाएको छ ।