Hamro Khabar

आइतबार बिहान थप १० जनामा कोरोना पुष्टि, देशभर २९१ जना संक्रमित

हाम्राेखबर आइतबार, जेष्ठ ४ २०७७

नेपालमा थप १० जनामा कोरोना पुष्टि भएको छ । आइतबार बिहान स्वास्थ्य मन्त्रलायले जारी गरेको सूचना अनुसार राष्ट्रिय जनस्वास्थ्य प्रयोगशाला टेकुमा गरेको परीक्षणबाट उनीहरुमा कोरोना पुष्टि भएको हो ।

काठमाडौं । नेपालमा थप १० जनामा कोरोना पुष्टि भएको छ । आइतबार बिहान स्वास्थ्य मन्त्रलायले जारी गरेको सूचना अनुसार राष्ट्रिय जनस्वास्थ्य प्रयोगशाला टेकुमा गरेको परीक्षणबाट उनीहरुमा कोरोना पुष्टि भएको हो ।
संक्रमित सबै रौतहट निवासी १८ देखि ४८ वर्ष सम्मका पुरुष छन् । रौतहट राजपुर नगरपालिका फरहदवा ९ निवासी ७ जना पुरुष र रौतहट कै इशनाथ नगरपालिका वडा ३ र ५ का तीन पुरुरषमा कोरोना पुष्टि भएको हो ।
सबै जनामा स्वास्थ्यकर्मीको सम्पर्कमा रहेको र स्वास्थ्य अवस्था सामान्य रहेको मन्त्रलायले बताएको छ ।