काठमाडौं । राष्ट्रिय प्रजातन्त्र पार्टीका अध्यक्ष डा. प्रकाशचन्द्र लोहनीले सरकारले प्रशासनलाई आफ्नो निहित स्वार्थको लागि प्रयोग गर्नु निर्लज्जता भएको बताएका छन । उनले मंगलबार सामाजिक संजाल फेसबुकमार्फत प्रहरीले सांसद तथा पूर्वराज्यमन्त्री डा.सुरेन्द्र यादवको अपहरणको मुद्दा दर्ता नमानेको घटनाले सरकारले प्रशासनलाई निहित स्वार्थको लागि प्रयोग गर्नु निर्लज्जता भएको बताएका हुन् ।
काठमाडौं । राष्ट्रिय प्रजातन्त्र पार्टीका अध्यक्ष डा. प्रकाशचन्द्र लोहनीले सरकारले प्रशासनलाई आफ्नो निहित स्वार्थको लागि प्रयोग गर्नु निर्लज्जता भएको बताएका छन । उनले मंगलबार सामाजिक संजाल फेसबुकमार्फत प्रहरीले सांसद तथा पूर्वराज्यमन्त्री डा.सुरेन्द्र यादवको अपहरणको मुद्दा दर्ता नमानेको घटनाले सरकारले प्रशासनलाई निहित स्वार्थको लागि प्रयोग गर्नु निर्लज्जता भएको बताएका हुन् ।
हालै मात्र पूर्वराज्यमन्त्री डा. सुरेन्द्र यादवले आफूलाई अपहरणशैलीमा सत्ता पक्षले महोत्तरीबाट काठमाडौँ ल्याई आफ्नो इच्छाबिरुद्धको राजनैतिक क्रियाकलापमा साथ दिन धम्की दबाब दिएकोले यो अपराध बिरुद्ध कारबाही गरि पाउँ निवेदन उजुरी दिन जाँदा प्रहरीले उजुरी दर्तासम्म पनि गरेन । यो घटनाले नेपालको शान्ति सुरक्षाको एउटा मुख्य खम्बा रहेको प्रहरी प्रशासनलाई आफ्नो आफ्नो निहित स्वार्थ को लागि निर्लज्ज तरिकाले प्रयोग गर्न नेपाल सरकार उद्दत रहेको उनले लेखेका छन् ।
त्यस्तै आमजनताको मनमा देशको संसद र भूपुमन्त्री जस्तो महत्वपुर्ण पदमा पुगेको नेतालाई समेत सत्ताधारीहरु दबाब र धम्की दिई आपराधिक काम गर्न तयार हुन्छन् । भने आमजनताले अब प्रहरी प्रशासनबाट के न्याय र सुरक्षा पाउलान भन्ने प्रश्न टड्कारो रुपमा उठेको छ । नेपाली जनताले तिरेको करबाट नेपाली जनतालाई न्याय र सुरक्षा दिलाउने प्रहरी संगठनको यो सत्ताधारीहरुबाट चरम दुरुपयोग हो । यसबारे छानबिनको माग गर्नु र यस्तो अपराध हुन नदिनु हामी जुनसुकै दलमा लागेको भएपनि एक भएर अवाज उठाउनु आजको कर्तब्य हो भनेर पनि उनले लेखेका छन् ।