Hamro Khabar

सनसिटी ए ब्लकमा बस्ने सबैको रिपोर्ट नेगेटिभ, खुशियालीमा नाचगान

हाम्रोखबर बुधबार, बैशाख ३ २०७७

काठमाण्डौ । पेप्सीकोला टाउन प्लानिङस्थित सनसिटी अपार्टमेन्टको ’ए’ ब्लगका ३०० बढीको र्यापिड डाइग्नोष्टिक टेस्ट(आरडिटी)को रिपोर्ट नेगेटिभ आएको छ ।
अपार्टमेन्टको ‘ए’ ब्लगको १५ औं तलामा बस्ने एकै परिवारका २ जनामा कोरोना संक्रमण पुष्टि भएपछि सो ब्लकका सबैको आरडिटी विधिबाट बुधबार नमूना परीक्षण गरिएको थियो ।
नमूना परीक्षण भएकोमा सबैको रिपोर्ट नेगेटिभ आएको हो ।
सबैको रिपोर्ट नेगेटिभ आएको खुशियालीमा अपार्टमेन्ट परिसरमा नमूना दिएकाहरुले खुशियालीमा घण्टी बजाउँदै र गीत लगाउँदै नाचगान गरेका थिए ।
बेलायतबाट ४ चैत्र मा काठमाडौं आएका सो अपार्टमेन्टका एकै परिवारका २ जनामा कोरोना संक्रमण पुष्टि भएपछि सो क्षेत्रका बासिन्दा त्रासमा थिए ।
सरकारले समेत २ दिनअघिदेखि सबै अपार्टमेन्ट क्षेत्रलाई शिल गरेको थियो । स्वास्थ्य मन्त्रालयले बुधबार बिहानैदेखि सो क्षेत्रमा द्रूत गतिको परीक्षण सुरु गरेको हो ।