Hamro Khabar

अस्ट्रेलियन प्रधानमन्त्रीद्वारा आमनिर्वाचनको घोषणा

एजेन्सी बिहीबार, चैत्र २८ २०७५

अस्ट्रेलियन प्रधानमन्त्री स्कट मोरिसनले आमनिर्वाचनको मिति घोषणा गरेका छन् । अगामी मे १८ का लागि आमनिर्वाचन घोषणा गरेका हुन् ।

काठमाडौं । अस्ट्रेलियन प्रधानमन्त्री स्कट मोरिसनले आमनिर्वाचनको मिति घोषणा गरेका छन् । अगामी मे १८ का लागि आमनिर्वाचन घोषणा गरेका हुन् ।
यो आमनिर्वाचनमार्फत जनताले दुई कार्यकालदेखि सत्तारुढ कन्जरभेटिभ पार्टीलाई पुनः निरन्तरता दिन्छन् या त्यसलाई बिल नेतृत्वको लेवर पार्टीले विस्थापित गर्छ भन्ने निर्धारण गर्ने छ ।

अस्ट्रेलियाको प्रतिनिधिसभामा १५१ र सिनेट (माथिल्लो सभा) मा ७६ सिट छन् । प्रतिनिधिसभाका सम्पूर्ण स्थानमा प्रत्यक्ष निर्वाचन हुनेछ । तर, सिनेटको निर्वाचन प्रक्रिया केही फरक छ । कूल ७६ मध्ये आधा स्थानका जनप्रतिनिधि मात्रै प्रत्यक्ष निर्वाचन प्रक्रियाबाट छनोट हुनेछन् ।

आमनिर्वाचनको प्रमुख मुद्दा जलवायु परिवर्तन र आर्थिक व्यवस्था हुने अनुमान गरिएको छ । त्यसैगरी निर्वाचनमा प्रवासी र शरणार्थीको सवाल पनि मुख्य रहनेछ । अष्ट्रेलियामा अनिर्वाय भोटिङ प्रणाली छ । यदी १८ वर्ष पुरा भएकाहरुले भोट नहाले जरिवना तिर्नु पर्नेछ ।