काठमाडौं । प्रधानमन्त्री केपी शर्मा ओलीको निर्देशनमा स्वास्थ्य सेवा विभागले उपकरण खरिद सम्बन्धी विवादास्पद सम्झौता रद्ध गरेको छ । विभागले बुधबार ओम्नी समूहसँग भएको कोरोना भाइरसका उपकरण सामाग्रीहरु चीनबाट ल्याउने सम्झौता रद्द गरेको हो ।
काठमाडौं । प्रधानमन्त्री केपी शर्मा ओलीको निर्देशनमा स्वास्थ्य सेवा विभागले उपकरण खरिद सम्बन्धी विवादास्पद सम्झौता रद्ध गरेको छ । विभागले बुधबार ओम्नी समूहसँग भएको कोरोना भाइरसका उपकरण सामाग्रीहरु चीनबाट ल्याउने सम्झौता रद्द गरेको हो ।
स्वास्थ्य सामाग्री खरिदमा ब्यापक विरोध भएपछि प्रधानमन्त्री ओलीले गत मन्त्रिपरिषद बैठकमा जिज्ञासा राखेका थिए ।
विभागका महानिर्देशक महेन्द्र श्रेष्ठले कोरोना भाइरसका उपकरण सामाग्रीहरु चीनबाट ल्याउने सम्झौता रद्द गरेको बताएका छन् । सरकारले ललितपुरमा रहेको ओम्नी समूहको ओबीसीआई प्राइभेट लिमिटेड कम्पनीमार्फत सवा एक अर्ब रुपैयाँ बराबरको स्वास्थ्य सामग्री मगाएको थियो ।
सरकार र आयातकर्तासँग भएको सम्झौतामा १ अर्ब २४ करोड बराबरका उक्त सामग्री तीन पटकमा नेपाल ल्याइसकिने उल्लेख थियो । वायु सेवा निगमको वाइड बडी विमानले पहिलो लट सामान ल्याइसकेको छ । हवाई भाडा ठेकेदारलाई नपर्दा पनि उपकरण भने महंगो भएको थियो ।
बुधबार मन्त्रालयले आयोजना गरेको पत्रकार सम्मेलनमा बोल्दै श्रेष्ठले ओम्नीले तोकिएको समयमा आवश्यक सामाग्री दिन नसेको र दिएका सामाग्रीहरु पनि कमसल रहेको भन्दै सम्झौता रद्द गरिएको बताएका छन् । अब विभागले खरिदको नयाँ प्रक्रिया थाल्ने, धरौटीवापत राखेको ५ करोड रुपैया जफत गर्ने र कम्पनी नै कालोसूचीमा राख्ने निर्णय समेत गरेको छ ।
पुन सामान खरिद प्रक्रियाका लागि विभागले बिहीबार नै अन्य कम्पनीहरुलाई बोलाउने तयारी गरेको छ ।
बिना प्रतिष्पर्धा महंगो दरमा उपकरण खरिद सम्झौता भएकोमा स्वास्थ्य मन्त्री भानुभक्त ढकाल, पर्यटन मन्त्री योगेश भट्टराई, प्रधानमन्त्री सचिवालय र विभागकै केही कर्मचारी विवादमा तानिएका थिए ।