Hamro Khabar

एयर अरेबियाबाट आउने होम क्वारेन्टाइनमा

बिहीबार, चैत्र १३ २०७६

सोही एयरवेजबाट सँगै फर्किएका नेपालीमध्ये मकवानपुर जिल्ला मकवानपुरगढी गाउँपालिका बस्ने ३२ वर्षीया युवती वैदेशिक रोजगारमा साइप्रसबाट कतार हुँदै नेपाल फर्किएपछि काठमाडौँ, चन्द्रागिरिमा आफ्नै दाजुका घरमा बसेकी छन् ।

मकवानपुर । गत चैत ६ गते एयर अरेबियाबाट नेपाल फर्किएका नेपालीमध्ये मकवानपुर जिल्लाका दुई जनाको पहिचान भएको छ ।

सो एयरलायन्सबाट आएकी उन्नाइस वर्षीया एक युवतीलाई कोरोना भाइरस सङ्क्रमण भएको टेकु अस्पतालमा स्वास्थ्य परीक्षणपछि पुष्टि भएको थियो ।

उनी बुधबार टेकु अस्पतालमा स्वास्थ्य परीक्षण गराउँदा स्वास्थ्य स्थिति सामान्य रहेकाले होम क्वारेन्टाइनमा बसेको जिल्ला प्रहरी कार्यालय मकवानपुरले जनाएको छ ।

यसैगरी हेटौँडा उपमहानगरपालिका–१२ बस्ने ४९ वर्षीयलाई वैदेशिक रोजगारीका लागि कतारमा हुँदै कतार प्रहरीले समातेर नेपाल फिर्ता पठाएपछि हेटौँडा घर आई बसेको र प्रहरीले सम्पर्क गरी आज बिहान हेटौँडा अस्पतालमा स्वास्थ्य परीक्षण गराउँदा स्वास्थ्य सामान्य रहेकाले उनी पनि होम क्वारेन्टाइनमा रहेको बताइएको छ ।

प्रहरीले निजलाई निगरानीमा राखेको र स्वास्थ्यमा खराबी आए तुरुन्तै उपचारका लागि हेटौँडामा तयारीमा राखिएको कोरोना भाइरस उपचार केन्द्रमा ल्याइने जानकारी दिइएको छ ।