Hamro Khabar

आफूलाई भ्याक्सिन लगाइदिएका डाक्टरलाई कोरोना भेटिएपछि जर्मन चान्सलर क्वारन्टीनमा

एजेन्सी सोमबार, चैत्र १० २०७६

जर्मन चान्सलर एंगेला मर्कल क्वारन्टीनमा बसेकि छिन्। शुक्रवार उनलाई न्युमोनियाको खोप दिएका एक चिकित्सकमा कोरानाभाइरस सङ्क्रमण पाइएपछि उनी क्वारन्टीनमा बस्नुपरेको हो।

एजेन्सी । जर्मन चान्सलर एंगेला मर्कल क्वारन्टीनमा बसेकि छिन्। शुक्रवार उनलाई न्युमोनियाको खोप दिएका एक चिकित्सकमा कोरानाभाइरस सङ्क्रमण पाइएपछि उनी क्वारन्टीनमा बस्नुपरेको हो।

उनको नियमित जाँच गरिने र उनले घरबाटै काम गर्ने मर्कलका प्रवक्ताले बताए। उनी ६५ वर्षकी छन्।

त्यस्तै, कोरोनाभाइरस महामारी फैलिन नदिने उद्देश्यले जर्मनीले घर तथा कार्यालयबाहेक अन्यत्र दुई जनाभन्दा धेरै जम्मा हुन नपाइने नयाँ नियम लागु गरेको छ।

जर्मनीले कोरोनाभाइरस प्रकोप नियन्त्रणका निम्ति सामाजिक अन्तर्क्रियाहरूमा थप रोक लगाउँदै दुई जनाभन्दा धेरैको सार्वजनिक जमघटमा प्रतिबन्ध लगाएको छ।

उनले घोषणा गरेका नियमहरूअनुसार केशशृङ्गार गृह एवम् ब्यूटी तथा मसाज पार्लर पनि बन्द हुनेछन्।

अन्य अनावश्यक पसलहरू यसअघि नै बन्द गराइएका थिए।