भारतलाई ८५ रनले परास्त गर्दै अस्ट्रेलिया महिला टी २० विश्वकप क्रिकेटको विजेता बनेको छ ।मेल्बर्नमा आयोजित खेलमा पहिला ब्याटिङ गर्दै आयोजक अस्ट्रेलियाले भारतलाई १८५ रनको लक्ष्य दिएको थियो ।
एजेन्सी । महिला टी २० विश्वकप क्रिकेटको उपाधी अस्ट्रेलियाले जीतेको छ । महिला विश्वकप क्रिकेटको उपाधिका लागि अस्ट्रेलिया र भारतबीच मेलबोर्न क्रिकेट मैदान (एमसिजी) मा आइतबार फाइनल भएको थियो ।
भारतलाई ८५ रनले परास्त गर्दै अस्ट्रेलिया महिला टी २० विश्वकप क्रिकेटको विजेता बनेको छ ।मेल्बर्नमा आयोजित खेलमा पहिला ब्याटिङ गर्दै आयोजक अस्ट्रेलियाले भारतलाई १८५ रनको लक्ष्य दिएको थियो ।
यो अस्ट्रेलियाको पाँचौँ टी २० विश्वकप उपाधि हो । घरेलु दर्शकका अगाडी अस्ट्रेलियाली खेलाडीहरूले आक्रामक रूपमा खेले । भने दोस्रो इनिङ्समा ब्याटिङ गर्न आएको भारतीय टोलीका सबै खेलाडी ९९ रनमै आउट भए ।
भारतकी १६ वर्षीया खेलाडी शेफाली वर्मा पहिलो ओभरमा दुई रन बनाएर आउट भइन् भने जोमिमा रोड्रिग्सले कुनै रन बनाउन सकिनन् । स्मृति मन्धानाले ११ रन बनाइन् भने हरमनप्रीत पनि धेरै समय मैदानमा टिक्न सकिनन् ।
टस जितेर अस्ट्रेलियाकी कप्तानले पहिला ब्याटिङ गर्ने निर्णय गरेकी थिइन् ।