चलचित्रमा दयाहाङ राई, प्रशान्त तामाङ, वर्षा सिवाकोटी, विजय लामा, वुद्दि तामाङ, माओत्से गुरुङ, रुपा पुन, कविता आलो र केही हलिउड कलाकारको अभिनय रहने मिलनले जानकारी दिए ।
काठमाडौं । निर्देशक मिलन चाम्सले ‘गोर्खा वारियर’ बनाउने भएका छन् । विर गोर्खालीको कथामा आधारित बन्ने यो चलचित्रलाई लण्डन सिने आई प्रोडक्शनको ब्यानरमा बनाउन लागिएको हो ।
चलचित्रमा दयाहाङ राई, प्रशान्त तामाङ, वर्षा सिवाकोटी, विजय लामा, वुद्दि तामाङ, माओत्से गुरुङ, रुपा पुन, कविता आलो र केही हलिउड कलाकारको अभिनय रहने मिलनले जानकारी दिए । साथमा, यो चलचित्रमा नयाँ अनुहारको रुपमा रितेश चाम्सलाई देख्न पाइनेछ । चलचित्रको लेखन प्रदीप भारद्धाजले गरेका छन् ।
यो चलचित्रमा ५० प्रतिशत हलिउड प्राविधिकले काम गर्ने जानकारी चाम्सले दिए । उनका अनुसार, सन् २०२१ मा रिलिज हुने यो चलचित्रको लण्डन विश्व प्रिमियरमा करिब १० हजार दर्शकलाई उपस्थित गराउने योजना लिइएको छ । यसका लागि चलचित्रको प्रचार लण्डनमा सुरु भैसकेको छ । लण्डनमा पहिलोपटक डबल टेकर बसमा यो चलचित्रको प्रचार सुरु भैसकेको छ ।