Hamro Khabar

साथीको हत्या आरोपी बंगलादेशी नागरिक पक्राउ

बिहीबार, माघ १६ २०७६

काठमाडौं । आफ्नै साथीको हत्यापछि फरार भएका बंगलादेशी नागरिक दुला मियाँ पक्राउ परेका छन । साथी अहमद मोहिउद्दीन अहमदको हत्या गरी फरार रहेको भनिएका मियालाई नेपाल–भारत सीमा काँकडभिट्टाबाट नेपाल प्रहरीले पक्राउ गरेको हो ।
पक्राउ परेका उनलाई गएराति नै काठमाडौंतर्फ ल्याइएको छ । आज दिउसो पत्रकार सम्मेलन गरेर बंगलादेशी नागरिक हत्यामा संलग्न व्यक्ति सार्वजनिक गर्ने तयारी प्रहरीले गरेको छ ।
पेसाले ट्राभल एजेन्सी सञ्चालक अहमद ६ माघमा बंगलादेशी साथी मियासँगै नेपाल आएका थिए । अहमद र दुला मियाले सोल्टीमोडको होटल ग्राण्ड भिलाको ११४ नम्बर कोठा बुक गरेका थिए । तर त्यहीँ अहमदको हत्या भएको थियो । घटनाको १ दिनपछि यसबारे अनुसन्धान थालेको प्रहरीले हत्या आरोपित मियालाई नियन्त्रणमा लिन सफल भएको हो ।